Friday, March 25, 2011

麥記飲早茶


喺麥記飲早茶係一件好浪費時間嘅事。點講好嘞?朝早5點半排隊點菜,6點幾先有的食。中間半粒鐘係咁就冇咗喇。

今日麥記都唔知發咩神經,啲人多到自己都唔知點算,既然嚟到係咁就走人就真係有啲搞笑。講真嗰句,去麥記飲早茶我個人係去過好多次嘅喇,啲人話食多會肥,咁我就同你講,算喇~ 我尋晚都冇食晚餐,晏晝嗰餐又事事旦旦填飽嗰肚就算,咁豐富嘅早餐埋當補數咯。


講到麥記食早餐,最好玩就係除咗要免費wifi上網,嗰咖啡可以無限加水。飲曬一杯再倒一杯,一杯又一杯,飲到你肚屙。個Sausage McMuffin With Egg,食咗真係好飽,飽咗就好想搞自拍,因為食飽飯冇嘢做,自拍當娛樂。

呢咁嘅地方,除了我呢啲冇咩公德心嘅先會叫份套餐坐係度粒嘅鐘都唔走。人哋整大班走嚟飲早茶傾下閒計粒幾鐘確實好快過,我就自己一支公走嚟呢度飲早茶,人哋睇住我,都希望我快快食完走人喇。不過我先講明,我嘅人超自私嘅,賴死唔走,坐喺度上網,飲到肚屙先走人。但係咁耐以嚟,喺麥記飲過咁多次早茶,都冇肚屙,證明我有公德心,頂多靜拿兩杯或者三杯,唔搵人哋笨。唔係嘅話,我周街都契咗俾人哋做細佬咯。


契咗俾人哋做細佬,埋俾人叫契弟咯,唔通契爺咩?

====================================

2011年3月25日,上晝7點半,Kampar McD。
第一次用粵語寫散文。
2012年8月5日,校對改錯字,XD。

No comments:

Post a Comment